میں تیری تصویر پاڑ دیواں کسے نوں کیہ اے
میں تیری تصویر پاڑ دیواں کسے نوں کیہ اے
غزل دا مطلع وگاڑ دیواں کسے نوں کیہ اے
میں دل دے کمرے چ روپ ہرنی نوں کُھلّھا چھڈاں
تے باہر رِیجھاں نوں تاڑ دیواں کسے نوں کیہ اے
میں تِن حرفاں نوں شہر کِہ کے کراں نظارا
تے فیر آپے اُجاڑ دیواں کسے نوں کیہ اے
کلیم لوکاں نے ایہنوں کورا نہیں ریہن دینا
جے دل دا ورقا ای پاڑ دیواں کسے نوں کیہ اے
تجمل کلیم
مزید شاعری پڑھو۔