کارخانے توں دفتر والیاں دا
کارخانے توں دفتر والیاں دا،
پبلک جلسیاں دے وچ آونا بند ۔
بلکہ سارے سرکاری ملازماں دا،
حصہ ملکی پرال 'چ پاونا بند ۔
جہڑی جگہ آزادی دا ناں ہووے،
اوس تھاں 'تے قدم ٹکاونا بند ۔
ایہناں واسطے تے ملکی لیڈراں 'تے،
ہے بولنا اتے بلاونا بند ۔
کاہدے واسطے ایڈیاں بندشاں نے،
وچ بندشاں بھید صندوق کیہ نے ؟
کتے ایہناں نوں پتہ نہ لگّ جائے،
اسیں قید ہاں ساڈے حقوق کیہ نے ؟
استاد دامن
مزید پڑھیں؛