اکھ کھولی تے دُکھاں دے جال ویکھے
اکھ کھولی تے دُکھاں دے جال ویکھے
اُتوں ہنڈدے جِندڑی نال ویکھے
اِک دِن سی ہجر دا سال ورگا
اسیں دن نہیں سالاں دے سال ویکھے
تُوں کیڑے دے رزق دی سوچ ربّا
اسیں بھُکھاں توں وِکدے بال ویکھے
میں نچیاں جگ دے سُکھ پاروں
سد بُلھے نوں میری دھمال ویکھے
فیر ریشمی بنیراں ہیٹھ کھلے
گلوں ننگے سی جِنے وی بال ویکھے
ایس جھلے کلیم نوں روک دِلا!
ایہنوں آکھ سُو ویلے دی چال ویکھے
تجمل کلیم
مزید پڑھیں؛