بچہ ڈگدا ڈھہندا اٹھدا اے،

ڈگے ڈھہندے ہی ٹرن دا ڈھنگ آوے ۔

شیشہ ٹٹدا بھجدا جڑدا اے،

عےدوں اٹّ آؤندی اودوں سنگ آوے ۔

اودوں زندگی دا مزہ آنودا اے،

فاقے مستیاں تے جدوں رنگ آوے ۔

اودوں جنگلاں دے ولّ منہ کرناں،

دل بستیاں توں جدوں تنگ آوے ۔

میرا دل حسیناں دے ہتھ آیا،

جویں منڈیاں ہتھ پتنگ آوے ۔

سچا یار مصیبت 'چ کم آوے،

آوے دیپ تے جویں پتنگ آوے ۔

بازی تنگ دستی والی کھلری اے،

جہڑا یار وی آوے بدرنگ آوے ۔

بندہ کرے تاں کی نہیں کر سکدا،

منیا وقت وی تنگ توں تنگ آوے ۔

رانجھا تخت ہزاریوں ٹرے تے صحیح،

پیراں ہیٹھ سیالاں دا جھنگ آوے ۔

استاد دامن