ایتھے انقلاب آویگا ضرور

ایتھے انقلاب آویگا ضرور

ساڈے ہتھاں دیاں ریکھاں

پیراں نال میٹن والیو ۔

او مخملاں تے ریشماں دے

وچ لیٹن والیو ۔

او دو دو ہتھیں دولتاں نوں

اج سمیٹن والیو ۔

او لٹے پٹے ہویاں دی

صف لپیٹن والیو ۔

کر لیا کوٹھیاں 'چ چانن،

کھوہ کے ساڈی اکھیاں دا نور،

ایتھے انقلاب آئیگا ضرور۔

تسیں کیہڑی لیکھنی نال

ساڈے لیکھ لیکھنے چاہندے ہو

ساڈے بھراواں دے ہتھوں بھرا

مردیاں ویکھنے چاہندے ہو

ساڈیاں ہڈیاں دے بھامبڑ

بلدیاں سیکنے چاہندے ہو

کاہنوں حشر توں پہلاں

پھوکنے شروع کیتے جے تنور

ایتھے انقلاب آئیگا ضرور۔

استاد دامن 

مزید پڑھیں؛

• دنیاں ہن پرانی اے، نزام بدلے جانگے
• ایہہ کیہ کری جاناں ایں