دنیاں ہن پرانی اے، نزام بدلے جانگے۔

اوٹھ دی سواری دے، مقام بدلے جانگے۔

امیر تے غریب دے، نام بدلے جانگے۔

آقا بدلے جانگے، غلام بدلے جانگے۔

سلطانی بدلی جائیگی، دربانی بدلی جائیگی ۔

تازیرات-اے-ہندرات دی، کہانی بدلی جائیگی ۔

دانائی وچ ہن نہیں، نادانی بدلی جائیگی ۔

اک اک فرنگی دی، نشانی بدلی جائیگی ۔

کوٹھیاں 'چ ڈاکواں دے، ڈیرے بدلے جانگے ۔

دنوں دنیں رشوتاں دے، گیڑے بدلے جانگے ۔

آپو وچ ونڈیاں دے، گھیرے بدلے جانگے ۔

کالکھاں دے نال بھرے، چہرے بدلے جانگے ۔

کتاب بدلی جائیگی، مضمون بدلے جانگے ۔

عدالت بدلی جائیگی، قانون بدلے جانگے۔

دولتے بدلے جانگے تے نون بدلے جانگے ۔

گداراں دیاں رگاں وچوں، خون بدلے جانگے۔

استاد دامن