پنجرے وچ اک طوطے نوں پچھیا میں،

تیری زندگی وچ زندان بند اے ۔

گیا گزریا گزریا جاپنا ایں،

تیری کسے تے گزر گزران بند اے ۔

طوطا ہسیا، ہسّ کے کہن لگا،

اچھا تیرا وی کدھرے دھیان بند اے ۔

میرے جیہا ہو کے جے توں گلّ کردوں،

میں سمجھدا عقل 'چ تان بند اے ۔

میں غلام ہاں اک دا گلّ کوئی نہ،

تیرے لکھاں کروڑاں دا مان بند اے ۔

خود غلام تے کئیاں نوں نال کیتا،

تیرے جہے ہندی ہندوستان بند اے ۔

ایہہ میں منناں ایہدے وچ شکّ کوئی نہ،

قطرے پانی 'چ اک طوفان بند اے ۔

پنجرے وچ میں پیا آزاد بولاں،

توں آزاد ایں تیری زبان بند اے ۔

'دامن' مرد ایں وچ میدان آ جا،

کردے ظاہر جو دلی ارمان بند اے ۔

استاد دامن